- २७ असार २०८३, शनिबार / Jul 11, 2026
काठमाडौँ, १८ माघ । नेपाल आयल निगमले इन्धनको मूल्य समायोजन गरेको छ। निगमले आज रातिदेखि लागू हुने गरी नयाँ मूल्यसूची सार्वजनिक गरेको हो।
नयाँ समायोजनअनुसार डिजेल र मट्टितेलको मूल्य प्रतिलिटर ३ रुपैयाँले बढाइएको छ भने पेट्रोलको मूल्य यथावत राखिएको छ।
त्यसैगरी, हवाई इन्धनको मूल्यमा भने कटौती गरिएको छ। आन्तरिक हवाई इन्धनको मूल्य प्रतिलिटर १ रुपैयाँले घटाइएको छ भने अन्तर्राष्ट्रिय हवाई इन्धनतर्फ काठमाडौँका लागि प्रतिकिलोलिटर अमेरिकी डलर ७ ले घटाइएको निगमले जनाएको छ।
निगमका अनुसार अन्तर्राष्ट्रिय बजार मूल्यमा आएको उतारचढाव तथा लागत संरचनाका आधारमा मूल्य समायोजन गरिएको हो।
