- ३० चैत्र २०८२, सोमबार / Apr 13, 2026
काठमाडौँ, १८ माघ । निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनका लागि विभिन्न जिल्ला तथा निर्वाचन क्षेत्रका मतपत्रको नमूना सार्वजनिक गरेको छ।
आयोगले सातै प्रदेशका निर्वाचन क्षेत्र समेट्ने गरी नमूना मतपत्र सार्वजनिक गरेको हो। एउटा मात्र निर्वाचन क्षेत्र भएका जिल्लाका लागि एक प्रकारको र एकभन्दा बढी निर्वाचन क्षेत्र भएका जिल्लाका लागि फरक–फरक प्रकारका मतपत्रको नमूना तयार पारिएको आयोगले जनाएको छ।
निर्वाचन आयोगका प्रवक्ता नारायणप्रसाद भट्टराईका अनुसार उम्मेदवारको सङ्ख्याका आधारमा मतपत्रको आकार फरक–फरक बनाइएको छ। उम्मेदवार धेरै भएका निर्वाचन क्षेत्रमा मतपत्रको आकार तुलनात्मक रूपमा ठूलो र कम उम्मेदवार भएका क्षेत्रमा सानो आकारको मतपत्र छापिएको छ। यही कारण काठमाडौँ जिल्लाको मतपत्र सबैभन्दा ठूलो रहेको आयोगले जनाएको छ।
सार्वजनिक गरिएका नमूना मतपत्रहरू मतदाता शिक्षाका लागि प्रयोग गरिनेछन्। यसैबीच, समानुपातिक निर्वाचन प्रणालीतर्फका मतपत्रको छपाइ कार्य भने सम्पन्न भइसकेको आयोगले जानकारी दिएको छ।
