रुतमा इजरायलको भीषण हवाई आक्रमण

लेबनान – बेरुत । इजरायली हवाई आक्रमणमा लेबनानस्थित हिजबुल्लाह समूहका शीर्ष कमाण्डर हैथम अली अल तब्तबाई मारिएका छन् । बेरुतको दक्षिणी दहिह क्षेत्रमा गरिएको भीषण हमलामा तब्तबाईसहित कम्तीमा पाँच जनाको मृत्यु भएको र २८ जना घाइते भएको लेबनानको स्वास्थ्य मन्त्रालयले जनाएको छ ।

इजरायलले पुरानो र प्रभावशाली हिजबुल्लाह कमाण्डरका रूपमा चिनिएका तब्तबाईबारे आफ्नो सैन्य कारबाही सफल भएको दाबी गरेको छ । हिजबुल्लाहले पनि उनकी मृत्यु पुष्टि गर्दै इजरायलले लेबनानमाथि ‘रातो घेरा’ सिर्जना गरेको आरोप लगाएको छ ।

घना आवादी रहेको आवासीय क्षेत्रमा हवाई आक्रमण गरिएको यो घटना युद्धविराम जारीकै बीचमा भएको हो । पछिल्ला दिनमा हिजबुल्लाहलाई लक्षित गर्दै इजरायलले आक्रमणको तीव्रता बढाएको बीबीसीले जनाएको छ ।