इजरायली हवाइ आक्रमणः ६ हजार ५०० प्यालेस्टाइनीले ज्यान गुमाए

काठमाडौं । इजरायली हमलाबाट गाजापट्टीमा मृत्यु हुने संख्या ६ हजार ५४६ पुगेको छ। बुधबार हमासद्वारा सञ्चालित स्वास्थ्य मन्त्रालयले सो पुष्टि गरेको हो ।

स्वास्थ्य मन्त्रालयका अनुसार तटीय एन्क्लेभमा १७ हजार ४३९ प्यालेस्टाइनी घाइते भएका छन्। हमासले अक्टोबर ७ मा इजरायली सैन्य क्षेत्र र शहरहरूमा हमला गरेको थियो । यस हमलामा कम्तीमा पनि एक हजार ४०० जनाको मृत्यु भएको थियो। यसको बदलामा इजरायलले गाजा स्ट्रिपमा लगातार बमबारी गरिरहेको छ ।

गाजा क्षेत्र अहिले हमास समूहको सत्ता छ।हमास प्यालेस्टिनी इस्लामवादी लडाकु समूह हो। यसले इजरायलको विनाशको शपथ लिएको छ । सन् २००७ मा गाजाको सत्ता हातमा लिएदेखि नै यस समुहले धेरै पटक इजरायलसँग लडाइँ लडिसकेको छ ।