- १८ श्रावण २०८३, सोमबार / Aug 3, 2026
काठमाडौँ, १५ बैशाख । श्रम, रोजगार तथा सामाजिक सुरक्षा मन्त्रालय अन्तर्गतको व्यावसायिक प्रशिक्षण केन्द्र इटहरी ले १२० जना नेपाली नागरिकलाई विभिन्न सीपमूलक तालिम निःशुल्क प्रदान गर्ने भएको छ।
केन्द्रले दक्ष जनशक्ति उत्पादन गर्ने उद्देश्यले ६ वटा फरक–फरक विधामा तालिम सञ्चालन गर्न लागेको जनाएको छ। जारी सूचनाअनुसार बारटेन्डर, कम्प्युटर अपरेटर (बेसिक), एडभान्स कटाइ–सिलाई, एडभान्स ब्युटिसियन, बेकर र बारिष्टा विषयमा तालिम सञ्चालन गरिनेछ। प्रत्येक विषयका लागि २० जनाको कोटा निर्धारण गरिएको छ।
तालिममा सहभागी हुन इच्छुक व्यक्तिले आगामी २०८३ वैशाख २९ गतेभित्र आवेदन दिनुपर्ने सूचनामा उल्लेख गरिएको छ।
