गाउँपालिका अध्यक्षसहित तीनजनाविरुद्ध सामूहिक बलात्कार मुद्दा दर्ता

बुटवल, १६ चैत्र । कपिलवस्तुको शुद्धोधन गाउँपालिका अध्यक्ष कमलेशरण चौधरीसहित तीनजनाविरुद्ध सामूहिक बलात्कारको मुद्दा दर्ता भएको छ ।

अध्यक्ष चौधरीसँगै राजेश्वर चौधरी र सन्तकुमार यादवविरुद्ध जिल्ला सरकारी वकिल कार्यालय, रुपन्देहीले मुद्दा दर्ता गरेको हो । ‘भैरहवा–१५’ नाम परिवर्तन गरी दिइएको जाहेरीका आधारमा मुद्दा अघि बढाइएको जनाइएको छ ।

मुद्दा दर्तासँगै अध्यक्ष चौधरीको पदसमेत संकटमा परेको छ । यस प्रकरणमा आरोपितमध्ये सन्तकुमार यादव हाल थुनछेकका लागि कारागारमा रहेका छन् । पीडितले २०८१ असोज ६ गते किटानी जाहेरी दिएको बताइएको छ । घटनाबारे अनुसन्धान जारी रहेको प्रहरीले जनाएको छ ।

यता, अध्यक्ष चौधरीले आफूमाथि लागेको आरोप अस्वीकार गर्दै आफूलाई फसाइएको दाबी गरेका छन् । उनले कानुनी रूपमा मुद्दा लड्ने बताएका छन् ।