- ६ कार्तिक २०८३, शुक्रबार / Oct 23, 2026
काठमाडौँ, १२ फागुन । नेकपा एमालेका महासचिव शंकर पोख्रेलले कार्की आयोग निष्पक्ष छानबिनका लागि बनेको होइन भन्ने धारणा व्यक्त गरेका छन्। उनले आयोगको प्रतिवेदनले नै यस धारणा पुष्टि गरेको उल्लेख गरेका छन्।
पोख्रेलका अनुसार, कार्की आयोग र आम निर्वाचन ०८२ अल्गोरिदममार्फत नेपाली समाजमा परेको प्रभावलाई राजनीतिक र कानूनी वैधानिकता दिने प्रयास थियो। सोही अनुसारको निर्वाचन परिणाम र आयोगको प्रतिवेदन आएको उनले बताए।
उनले भन्नुभयो, “निर्वाचन र आयोगको प्रतिवेदनसंगै नेपाली राजनीति नयाँ मोडतर्फ अग्रसर भएको छ। अल्गोरिदमको प्रयोगबाट लोकपृयतावाद, अराजकतावाद र अवसरवादको मिश्रणबाट नयाँ शक्तिको उदय भएको छ।”
पोख्रेलले थपे, अबको बाटो सजिलो नहुन सक्छ र राष्ट्र तथा लोकतन्त्र दुवैले केही समय चुनौतीको सामना गर्नुपर्ने अवस्था छ। उनले वर्तमान चुनौतीहरू लोकपृयतावाद, अराजकतावाद र अवसरवादको समाधान र विचारधारात्मक राजनीतिको दिर्घकालीन विकल्प नभएको पनि स्पष्ट पारेका छन्।
