- २६ असार २०८३, शुक्रबार / Jul 10, 2026
ललितपुर, २ फागुन । ललितपुरको कोन्ज्योसोम गाउँपालिका–१ बाउनडाँडामा गएराति मिनी ट्रक दुर्घटना हुँदा चार जनाको मृत्यु भएको छ।
लेलेबाट बालुवा बोकेर कालेश्वरतर्फ जाँदै गरेको बागमती प्रदेश–०१–००४ क ६२२८ नम्बरको मिनी ट्रक राति करिब ९ बजे सडकबाट अन्दाजी पाँच सय मिटर तल खसेर दुर्घटना भएको प्रहरीले जनाएको छ।
दुर्घटनामा ट्रक चालक गोदावरी नगरपालिका–६ निवासी ५२ वर्षीय गणेश खड्का र सोही स्थानका ४२ वर्षीय गणेश थापाको घटनास्थलमै मृत्यु भएको छ।
त्यस्तै, ट्रकमा सवार अन्य दुई जना पुरुषको उपचारका क्रममा पाटन अस्पतालमा मृत्यु भएको प्रहरीले जानकारी दिएको छ। अस्पताल पुर्याउनासाथ चिकित्सकले उनीहरूलाई मृत घोषणा गरेका थिए।
अस्पतालमा मृत्यु भएका दुई जनाको सनाखत हुन बाँकी रहेको छ। दुर्घटनाको कारणबारे जिल्ला प्रहरी परिसर ललितपुरले आवश्यक अनुसन्धान गरिरहेको जनाएको छ।
