आफ्ना नागरिकलाई लेबनान छोड्न अमेरिकाको आग्रह

काठमाडौं । हिजबुल्लाह समूहसँगको तनाव झेलेपछि इजरायलले सुरक्षा सतर्कता बढाएको छ । हिजबुल्लाह समूहले निरन्तर रकेट आक्रमण गरेपछि हाइफा सहर अन्य उत्तर क्षेत्रका मानिसहरुलाई भेला हुन, भीड गर्न इजरायलले प्रतिबन्ध लगाएको हो ।

दक्षिणी लेबनानमा हिजबुल्लाहद्वारा इजरायली क्षेत्रमा आक्रमणको तयारी गरिरहेको पत्ता लागेपछि व्यापक रूपमा हवाई आक्रमण सुरु गरिएको इजरायली सुरक्षा बल आईडीएफका प्रवक्ता ड्यानियल हागारीले बताए। इजरायली सेनाले हिजो बेरुतमा गरेको हवाई आक्रमणमा हिजबुल्लाहका वरिष्ठ कमाण्डरसहित ३७ जनाको मृत्यु भएको थियो ।

त्यसअघि लेबनानमा हिजबुल्लाह समूहले प्रयोग गर्ने संचारसेटहरु पेजर तथा वाकीटकीमा विस्फोट हुँदा ३७ जनाको मृत्यु भएको थियो । ३ हजार मानिस घाइते भएका थिए । यस क्षेत्रमा तनाब बढ्दै गएपछि अमेरिकी सरकारले आफ्नो नागरिकहरूलाई लेबनान छोड्न कडा निर्देशन दिएको छ ।