- १२ कार्तिक २०८३, बिहीबार / Oct 29, 2026
काठमाण्डौ, १३ । मधेश प्रदेश सरकारले एक महिनाभित्र प्रदेशका सबै पालिकालाई आफ्ना स्थायी कर्मचारीसम्बन्धी अभिलेख अद्यावधिक गर्न निर्देशन दिएको छ ।
मुख्यमन्त्री तथा मन्त्रिपरिषद्को कार्यालयले प्रमुख सचिवस्तरको निर्णयअनुसार पालिकाहरुलाई पद र सिटरोल दर्ता तथा कर्मचारीको व्यक्तिगत विवरण अद्यावधिक गरी आवश्यक कागजातसहित प्रदेश किताबखानामा बुझाउन निर्देशन दिएको हो ।
कार्यालयका उपसचिव रोहितकुमार कोइरालाका अनुसार अहिलेसम्म प्रदेशअन्तर्गतका पालिकामा कार्यरत स्थायी कर्मचारीको भौतिक अभिलेख प्रदेश किताबखानामा प्राप्त नभएकोले अभिलेख व्यवस्थापनमा कठिनाइ भइरहेको बताइएको छ ।
यही कारणले सरकारले एक महिनाभित्र सबै अभिलेख अद्यावधिक गर्न समयसीमा तोकेको हो ।
