- ३१ असार २०८३, बुधबार / Jul 15, 2026
नवलपुर । पौडी खेल्ने क्रममा नारायणी नदीमा डुबेर मध्यविन्दु नगरपालिका वडा नम्बर १२ का दुईजना बालक बेपत्ता भएका छन् । मंगलबार दिउँसो नारायणी नदी र आरुङखोलाको संगम उल्टि दोभानमा पौडी खेल्ने क्रममा उनीहरू डुबेर वेपत्ता भएको जिल्ला प्रहरी कार्यालयका प्रवक्ता प्रहरी नायव उपरीक्षक मधु नेपालले बताए ।
वेपत्ता हुनेमा १३ वर्षीय प्रज्वल पौडेल र १५ वर्षीय विजय पौडेल रहेका छन् । उनीहरूको खोजि जारी रहेको प्रहरीले जनाएको छ। हराइरहेका बालकको खोजी भइरहेको छ ।हिजो राति अबेरसम्म पनि नभेटेएपछि आज बिहानैबाट खोज्ने काम भइरहेको छ, प्रवक्ता नेपालले भने ।
उनले बालकहरूको खोजी कार्यका लागि गोताखोरको टोलीसँग समेत समन्वय भइरहेको जानकारी दिए । उनले भने,गोताखोरको टोलीसँग पनि समन्वय भएको छ। नेपाली सेना प्रहरी र स्थानीयको सहयोगमा खोजी कार्य हुँदैछ।मध्यविन्दु १२ ज्वाईंथरबाट वेपत्ता दुई बालकसँगै अन्य ३ जना पनि गएका थिए ।
उनीहरू सकुशल घर फर्केको प्रहरीले जानकारी दिएको छ । वेपत्ता दुई बालक दाजु-भाइका छोराहरू हुन् । नारायणी नदी किनारमा ड्राइ पिकनिक गएको बेलामा घटना भएको बुझिएको छ।अन्नपूर्ण पोस्टबाट…
