मकवानपुरमा चट्याङ लाग्दा एकको मृत्यु, एक घाइते

बागमती, १८ चैत्र । मकवानपुरको बागमती गाउँपालिका–१ भैसेमा चट्याङ लाग्दा एक जनाको मृत्यु भएको छ भने अर्का एक जना घाइते भएका छन्।

जिल्ला प्रहरी कार्यालयका प्रवक्ता पुष्कर बोगटीका अनुसार चट्याङ लागेर ३२ वर्षीय अजय पहरीको ज्यान गएको हो। उक्त घटनामा घाइते भएका सोही स्थानका ३७ वर्षीय उज्ज्वल थोकरको हेटौँडा अस्पतालमा उपचार भइरहेको छ। वर्षासँगै चट्याङ पर्ने क्रम बढिरहेका बेला प्रहरीले सर्वसाधारणलाई सतर्कता अपनाउन आग्रह गरेको छ।