- २३ श्रावण २०८३, शनिबार / Aug 8, 2026
काठमाडौँ, २९ कार्तिक । जम्मू–कश्मीरको श्रीनगरस्थित नौगाम प्रहरी चौकीमा शुक्रबार राति ठूलो विस्फोट हुँदा नौ जनाको मृत्यु भएको छ। घटनामा २९ जना घाइते भएका छन्, जसमा अधिकांश प्रहरी अधिकारी रहेका भारतीय अधिकारीहरूले जनाएका छन्।
प्रारम्भिक अनुसन्धानअनुसार जफत गरिएका विस्फोटक पदार्थहरूको नमुना परीक्षण गर्ने क्रममा अचानक विस्फोट भएको बताइएको छ। विस्फोटक पदार्थ कति मात्रामा थियो भन्ने भने अझै स्पष्ट भएको छैन।
उक्त विस्फोटक पदार्थ हरियाणाको फरीदाबादमा पक्राउ परेका तथा दिल्ली विस्फोट प्रकरणमा पहिले नै नियन्त्रणमा परेका डा. मुजम्मिल गनाईको भाडाको घरबाट बरामद गरिएको र त्यसलाई परीक्षणका लागि नौगाम प्रहरी चौकीमा राखिएको बताइएको छ।
घटनास्थलमा थप अनुसन्धान जारी छ भने घाइतेहरूको अवस्था गम्भीर रहेका कारण मृत्यु संख्या बढ्न सक्ने अधिकारीहरूले बताइहेका छन्।
