- ७ श्रावण २०८३, बिहीबार / Jul 23, 2026
मुम्बई, ३ फागुन । आईसीसी टी–२० विश्वकप २०२६ अन्तर्गत समूह ‘सी’ को तेस्रो खेलमा नेपालले आज वेस्ट इन्डिज क्रिकेट टोली सँग प्रतिस्पर्धा गर्दैछ । खेल बिहान सवा ११ बजेदेखि वानखेडे स्टेडियम मा सुरु हुने तालिका छ ।
खेल सुरु हुनुभन्दा धेरै घण्टा अघि नै नेपाली समर्थकहरू स्टेडियम बाहिर उपस्थित भएका छन् । समर्थकहरू बिहानैदेखि उत्साहका साथ टोलीलाई समर्थन गर्न स्टेडियम परिसरमा भेला भएका हुन् ।
प्रत्यक्ष खेल हेर्न आएका धेरै समर्थक खेल सुरु हुनुभन्दा करिब तीन घण्टा अगाडिदेखि मरिन ड्राइभ क्षेत्रमा देखिएका छन् । उनीहरूले नेपालको जितको कामना गर्दै नाराबाजी र उत्साहपूर्ण माहोल बनाएका छन् ।
आजको खेल नेपालका लागि महत्वपूर्ण मानिएको छ , किनकि प्रतियोगितामा अघि बढ्न टोलीलाई जित आवश्यक रहेको विश्लेषण गरिएको छ ।
