- १ कार्तिक २०८३, आईतवार / Oct 18, 2026
काठमाडौँ, २७ चैत्र । नेपाल आयल निगमले पेट्रोलियम पदार्थको मूल्य निरन्तर बढाउँदा पनि निगम अझै घाटामा रहेको जनाएको छ। निगमका कार्यकारी निर्देशक डा. चण्डिकाप्रसाद भट्ट ले शुक्रबार सार्वजनिक सन्देशमार्फत निगम पाक्षिक रूपमा करिब ७ अर्ब ८२ करोड रुपैयाँ घाटामा रहेको जानकारी दिएका हुन्।
उनका अनुसार निगमले अझै इन्डियन आयल कर्पोरेसन (आईओसी) लाई बुझाउनुपर्ने १६ अर्ब ३७ करोड रुपैयाँ बक्यौता बाँकी रहेको छ। सोही कारण निगमलाई पुनः पेट्रोलियम पदार्थको मूल्य समायोजन गर्न बाध्य भएको उनले बताएका छन्।
निगमले इन्धन खपत घटाउन तथा मितव्ययी बन्न उपभोक्तालाई आग्रह गरेको छ। पछिल्लो निर्णयअनुसार गएराति १२ बजेदेखि लागू हुने गरी पेट्रोलमा प्रतिलिटर १७ रुपैयाँ तथा डिजेल र मट्टितेलमा प्रतिलिटर २५ रुपैयाँ वृद्धि गरिएको छ।
यसैगरी, एलपी ग्यासको मूल्यमा १०० रुपैयाँ वृद्धि गरिएको निगमले जनाएको छ। मूल्य बढाउँदा पनि निरन्तर घाटा बढिरहेकाले निगम आर्थिक दबाबमा परेको बताइएको छ।
