- २३ बैशाख २०८३, बुधबार / May 6, 2026
काठमाडौँ, २७ चैत्र । कतार सरकारले तीन जना नेपाली नागरिकलाई आममाफी दिएको छ। रमादानको अवसर पारेर उक्त आममाफी प्रदान गरिएको परराष्ट्र मन्त्रालयले जनाएको हो।
कतारका आमिर शेख तमिम विन हमाद अलथानीले ती नेपाली नागरिकलाई आममाफी दिएको मन्त्रालयले पत्रकार सम्मेलनमार्फत जानकारी दिएको छ।
कतारको दोहा स्थित नेपाली दूतावासको पहलमा उनीहरूलाई आममाफी दिलाउन सफल भएको मन्त्रालयले जनाएको छ। यद्यपि, ती नेपाली नागरिकहरू के कारणले जेलमा परेका थिए भन्ने विषयमा मन्त्रालयले खुलाएको छैन। साथै, उनीहरूको नामसमेत सार्वजनिक गरिएको छैन।
आममाफी पाएका तीनै जना नेपाली हाल नेपाल फर्किने प्रक्रियामा रहेको र आवश्यक कागजी प्रक्रिया पूरा गरिँदै रहेको मन्त्रालयले जनाएको छ।
