- १५ जेष्ठ २०८३, शुक्रबार / May 29, 2026
लमजुङ, १६ बैशाख । वर्षाका कारण मध्यपहाडी लोकमार्ग अन्तर्गत लमजुङ खण्ड अवरुद्ध भएको छ।
सडकअन्तर्गत मध्यनेपाल नगरपालिका–१० विमिरे भञ्ज्याङ मा पहिरो जाँदा आज बिहानदेखि सडक अवरुद्ध भएको जिल्ला प्रहरी कार्यालय लमजुङका सूचना अधिकारी ज्ञानेन्द्रबहादुर क्षेत्री ले जानकारी दिनुभयो।
‘गएरातिदेखि नै हालसम्म वर्षा भइरहेका कारण सो क्षेत्रमा पहिरो जाँदा सो मार्गमा आवतजावत गर्ने सवारीसाधन सञ्चालन हुन सकेको छैन,’ उहाँले भन्नुभयो।
पहिरो तत्काल हटाएर सडक खुलाउने प्रयास भइरहे पनि निरन्तर वर्षाका कारण काममा कठिनाइ भएको प्रहरीले जनाएको छ। साथै यस सडकखण्डका विभिन्न खोलामा पानीको बहाव उच्च रहेकाले सवारीसाधन सञ्चालन गर्न समस्या भएको बताइएको छ।
प्रहरीका अनुसार मौसम अनुकूल भएपछि पहिरो हटाई सडक सञ्चालनमा ल्याइने तयारी भइरहेको छ।
