- १ आश्विन २०८३, बिहीबार / Sep 17, 2026
काठमाडौं । पाकिस्तानमा सशस्त्र विद्रोहीले राजमार्गमा गाडी रोकेर २२ जनाको हत्या गरेका छन् । पाकिस्तानको दक्षिण–पश्चिमी क्षेत्रमा बन्दुकधारीले कम्तीमा २२ जनाको गोली हानी हत्या गरेका सरकारी अधिकारीहरूलाई उद्धृत गर्दै समाचार संस्था एएफपीले जनाएको छ ।
साम्प्रदायिक, जातीय र पृथकतावादी हिंसाविरुद्ध लडिरहेको बलुचिस्तान प्रान्तको मुसाखाइल जिल्लामा आज बिहान आक्रमण भएको हो । मुसाखाइलका एक वरिष्ठ अधिकारी नजिबुल्लाह काकरले पञ्जाबलाई बलुचिस्तानसँग जोड्ने राजमार्गमा भएको आक्रमणमा पाँच जना घाइते भएका बताएको खबरमा उल्लेख छ । सशस्त्र विद्रोहीले पञ्जाबबाट आउने र जाने गाडीको निरीक्षण गरेका र पञ्जाबबाट आएका व्यक्तिहरूको पहिचान गरी गोली हानेका उनको भनाइ छ ।
ज्यान गुमाउने १९ जना पञ्जाबी र तीन जना बलोच सर्वसाधारण छन् । बलोच लिबरेशन आर्मी यस क्षेत्रको सबैभन्दा सक्रिय लडाकु पृथकतावादी समूह हो र्र्।एजेन्सी
