एक युवकसँग होटलमा गएकी युवती मृत भेटिइन्

हेटौंडा । हेटौडा उपमहानगरपालिका १०, बसपार्कस्थित एक होटलमा युवती मृत भेटिएकी छन् । थानाभर्‍याङकी एलिसा न्यौपाने होटलमा मृत फेला परेको प्रहरी नायब उपरीक्षक लक्ष्मी भण्डारीले बताए ।

न्यापाने होटलको कोठा नम्बर २०५ मा सोमबार मृत फेला परेकी हुन् । शवलाई हेटौंडा अस्पतालमा राखिएको र घटनाबारे थप अनुसन्धान भइरहेको प्रहरीले बताएको छ ।

आइतबार बिहान अबेरसम्म ढोका नखुलेपछि होटल सञ्चालकले प्रहरीलाई खबर गरेका थिए । प्रहरीका अनुसार उनी हिजो अपरान्ह ५ बजे एक युवकसँग होटलमा आएको र ती युवक राति करिब ९ बजे होटलबाट बाहिरिएको प्रारम्भिक अनुसन्धानबाट खुलेको छ ।