- २० श्रावण २०८३, बुधबार / Aug 5, 2026
काठमाडौँ । देशभर हाल पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ ।
यसका कारण मधेस, बागमती र लुम्बिनी प्रदेशमा आंशिक बदली रही बाँकी पहाडी तथा हिमाली भूभागमा मौसम मुख्यतया सफा रहेको छ । तराईका केही स्थानमा हुस्सु लागेको छ ।
आज दिउँसो तराईका केही भूभागमा हुस्सु तथा कुहिरो लाग्ने सम्भावना छ । कर्णाली र सुदूरपश्चिम प्रदेशका उच्च पहाडी तथा हिमाली भूभागमा आंशिक बादल लाग्नेछ भने बाँकी भूभागमा मौसम प्रायः सफा रहनेछ ।
आज राति पनि तराईका केही स्थानमा हुस्सु लागिरहनेछ । कर्णाली र सुदूरपश्चिमका उच्च पहाडी तथा हिमाली भूभागमा आंशिक बदली र बाँकी भूभागमा मौसम मुख्यतया सफा रहने मौसमविद्को अनुमान छ ।
