- १ भाद्र २०८३, सोमबार / Aug 17, 2026
काठमाडौँ । प्रधानमन्त्री कप राष्ट्रिय क्रिकेट प्रतियोगिताको आज (बुधबार) हुने फाइनल खेलमा उपाधिका लागि विभागीय टोली एपीएफ क्लब र नेपाल पुलिस क्लब कीर्तिपुरस्थित टियु मैदानमा भिड्दैछन् ।
प्रतियोगिताको सेमिफाइनलमा पुलिसले बागमती प्रदेश र एपीएफले अर्को विभागीय प्रतिद्वन्द्वी आर्मीलाई पराजित गरेको थियो । राष्ट्रिय तथा युवा खेलाडीले मिश्रित दुबै टोली बलिया छन् ।
प्रतियोगितामा १० टोली सहभागी रहेका थिए । प्रतियोगिताको विजेता टोलीले पाँच लाख र उपविजेताले तीन लाख रुपैयाँ प्राप्त गर्ने बताइएको छ।
टी–२० फर्म्याटमा खेलाइको खेललाई आगामी महिना ओमानमा हुने टी–२० विश्वकपको ग्लोबल छनोटको तयारीकोरुपमा हेरिएको जानकारहरुले बताएका छन् ।
