ओमिक्रोनसहितको संक्रमण बढ्दै गएपछि काठमाठाैंमा रहेका मठमन्दिरमा आजदेखि नित्य पूजा मात्र गरिने

काठमाडौं । कोभिड–१९को नयाँ भेरियन्ट ओमिक्रोनसहितको संक्रमण बढ्दै गएपछि काठमाडौं उपत्यकामा रहेका तीन वटै जिल्ला प्रशासन कार्यालयले सूचना जारी गरी आज (बुधबार)देखि माघ मसान्तसम्म मन्दिर, मस्जिद गुम्बा, चर्च लगायतका धार्मिक स्थलमा नित्य पूजा, ध्यान र प्रार्थनाका मात्र खुल्ने जनाएका छन् भने पूजापाठ नहुने बताएको छ ।

ओमिक्रोनसहितको संक्रमण बढ्दै गएपछि धार्मिक कार्यक्रम पनि संकुचन गरिएको जानकारी दिइएको हो । त्यस्तै नेपालको महत्वपूर्ण धार्मिक स्थल
पशुपति क्षेत्रमा पनि पूजापाठ स्थगित गरिएको बताइएको छ ।

पशुपति क्षेत्र विकास कोषले सूचना जारी गरी पशुपतिनाथ, गुह्वेश्वरी लगायत पशुपति क्षेत्रका मठमन्दिरमा परम्परागत नित्य पूजा बाहेकका सम्पूर्ण क्रियाकलाप बन्द गरिएको जानकारी दिएको हो ।