- ३१ आश्विन २०८३, शनिबार / Oct 17, 2026
काठमाडौँ । कोरोना भाइरसको सङ्क्रमण बढ्दै गएपछि सर्वोच्च अदालतको बन्दीप्रत्यक्षीकरण तथा कोभिड महामारीसँग सम्बन्धित, अत्यन्त जरुरी प्रकृतिका जीवन र जनस्वास्थ्य तथा सार्वजनिक महत्वका मौलिक हकसँग सम्बन्धित रिट निवेदनको मात्र नियमितरूपमा सुनुवाइ गर्ने र अन्य सेवा आज (बुधबार)देखि कटौती गरिएको जानकारी दिएको छ ।
मंगलबार सर्वोच्च अदालतमा बसेको पूर्ण बैठकले निर्णय गर्दै बुधबारदेखि लागू हुने गरी माघ १८ गतेसम्मका लागि सेवा कटौती गर्ने निर्णय गरेको सर्वोच्च अदालतका प्रवक्ता बाबुराम दाहालले मंगलबार एक प्रेस विज्ञप्ति जारी गर्दै सो अवधिमा मुद्दा फिर्ता, तामेली एवं मिलापत्रसम्बन्धी कामकारबाही नियमितरूपमा सञ्चालन हुने, मुलुकी फौजदारी कार्यविधिअनुसार थुनुवा रहेका व्यक्तिको निवेदन तथा प्रतिवेदनउपर सुनुवाइ हुनेछ जानकारी दिएका थिए।
त्यस्तै उच्च र जिल्ला अदालत, अरु न्यायाधीकरणको हकमा स्थानीय परिस्थिति एवं जोखिमको अवस्था तथा सङ्क्रमित भएको अवस्थासमेतको मूल्याङ्कनका आधारमा कामकारबाही गर्ने व्यवस्था मिलाउने बैठकले निर्णय गरेको विज्ञप्तिमा उल्लेख छ ।
