- २ आश्विन २०८३, शुक्रबार / Sep 18, 2026
काठमाडौं । प्रधानमन्त्री पुष्पकमल दाहाल प्रचण्डले सहकारी पीडितलाई कालो झण्डा देखाएर ‘ब्लण्डर’ गरेको बताएका छन्। पोखरा सभागृहमा कार्यकर्ता प्रशिक्षणमा बोल्दै उनले ५ लाख भन्दा कम बचत भएका सहकारी पीडितलाई फिर्ता दिन सरकारले बजेटमै ल्याएको जानकारी दिए।
पोखराका सूर्यदर्शन बचत तथा ऋण सहकारी संस्थाका पीडितले बुधबार प्रधानमन्त्री प्रचण्डलाई कालो झण्डा देखाएका थिए। सहकारी पीडित २ वर्षदेखि आन्दोलनमा रहँदा पनि सरकारले कुनै चासो नदिएको भन्दै उनीहरुले कालो झण्डा देखाएका हुन्।
सहकारी बचत पीडित संघर्ष समिति कास्कीका संयोजक किरण श्रेष्ठले सरकारले सधै आश्वासन मात्र दिने तर काम नगर्ने भएकाले विरोध जनाउनुपरेको बताए।
