- २५ भाद्र २०८३, बिहीबार / Sep 10, 2026
काठमाडौं । एमालेका अध्यक्ष केपी शर्मा ओली नेतृत्वको सरकारमा पठाउने मन्त्रीबारे एमाले र कांग्रैस आन्तरिक छलफलमा जुटेका छन् । संविधान संसोधनको एजेण्डा लिएर बन्न लागेको नयाँ सरकारमा जाने मन्त्रीको छनोटमा रस्साकस्सी चलेको छ ।
कांग्रेसमा आकांक्षीहरुको लर्को लागेका बेला पूर्व महामन्त्रीसमेत रहेका नेता प्रकाशमान सिंह मन्त्री भाग माग्दै सभापति शेरबहादुर देउवा निवास बुढानीलकण्ठ पुगेका छन् । पत्नी सिर्जना सिंहसहित देउवा निवास पुगेका उनले ओली सरकारमा पार्टीको तर्फबाट आफुले नेतृत्व गरेर जाने अड्डी कसेका छन् । प्रकाशमान दम्पतीले करिब २५ मिनेट गोप्य भेट गरेको स्रोतको दावी छ ।
पार्टीको १४ औं महाधिवेशनमा देउवालाई सभापति जिताउन गरेको त्यागको स्मरण गराउँदै नेता सिंह यसपटक कांग्रेसबाट सरकारको नेतृत्व गरेर जाने इच्छा प्रकट गरेको बताइन्छ । १७ असारमा कांग्रेस र एमाले बीच ओलीको नेतृत्वमा सरकार बनाउने सहमति बनेको थियो ।
