छिटो विश्वासको मत लिन प्रधानमन्त्रीलाई रास्वपाको आग्रह

काठमाडौं । राष्ट्रिय स्वतन्त्र पार्टी (रास्वपा)ले प्रधानमन्त्री पुष्पकलम दाहाल प्रचण्डलाई छिटो विश्वासको मत लिन आग्रह गरेको छ । राजीनामा बुझाउन बिहीबार बिहान प्रधानमन्त्री निवास बालुवाटार पुगेका रास्वपा मन्त्रीहरुले प्रधानमन्त्रीलाई छिटो विश्वासको मत लिन आग्रह गरेका हुन् ।

बिहानको छलफलमा प्रधानमन्त्रीले आफूले संवैधानिक अधिकार प्रयोग गर्ने र संसदलाई जवाफ दिने बताएकाले तत्कालै विश्वासको मत लिन आग्रह गरेको रास्वपाका प्रमुख सचेतक सन्तोष परियारले जानकारी दिए । यद्यपि, विश्वासको मत दिने विषयमा भने आफूहरु छलफलमै रहेको परियारले बताए ।

प्रधानमन्त्री स्पष्टताका साथ अगाडि बढे आफूहरुले साथ दिने बताएका छन् । राजीनामा बुझाउन बालुवाटार पुगेका रास्वपाका टोली प्रधानमन्त्रीसँगको छलफलपछि फिर्ता भएको थियो ।