जिबी राईको विषयमा बेलैमा थाहा पाउन नसक्नु कमजोरी भयोःरवि लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछानेले जिबी राईको विषयमा बेलैमा राम्ररी थाहा पाउन नसक्नु आफ्नो कमजोरी रहेको बताएका छन्। भरतपुर विमानस्थलमा सञ्चारकर्मीहरुसँग कुरा गर्दै उनले ग्यालेक्सी टिभीका अध्यक्ष राईको सम्पत्तीको स्रोतको विषयमा हेर्ने काम राज्यका निकायको रहेको पनि बताए।

उनले राईसँग संगत गरेकोमा गलत क्रियाकलाप भएको रहेछ भन्ने देख्दा अझ बढी ध्यान दिनुपर्थ्यो भन्ने आफूलाई अहिले लागेको पनि बताए।
लामिछानेसँग शुक्रवार सहकारी ठगी सम्बन्धी विशेष संसदीय छानबिन समितिले लामो वयान लिएको थियो। उनले आफूमाथि उठेका सबै प्रश्नको जवाफ दिने अवसरका रुपमा लिएर समितिमा उठेका प्रश्नहरुको जवाफ दिएको बताए।