तपाईंलाई अब सत्ता दिन सकिदैनः रघुजी

काठमाडौं । प्रचण्डले सरकार र प्रधानमन्त्रीमाथि उठाएका प्रश्नमा प्रमुख सत्तारूढ दल एमालेले कडा प्रतिक्रिया जनाएको छ । संसदीय व्यवस्थामा विपक्षी दलको नेताले सय दिनअगाडि सरकारको आलोचना गर्ने परिपाटी नभए पनि तोडिएको एमाले सांसद रघुजी पन्तले बताए ।

पन्तले सत्ता नै पाउन नसक्ने अवस्था आएपछि प्रचण्डले सत्ता चाहिँदैन भन्ने अभिव्यक्ति दिएको जिकिर गरे । पन्तले माओवादीसँग सत्ता माग्ने अधिकार नभएको बताए । कांग्रेस सचेतक सुशीला थिङले पार्टीहरूका दोहोरो चरित्रमाथि कठोर टिप्पणी गरिन् ।

भुटानी शरणार्थी काण्डको कुरा गर्नेले सहकारी बिर्सिएकोमा असन्तुष्टि जनाउँदै यी दुवै विषयमा सदनमा बहसमा बन्देज लगाउनुपर्ने बताइन् । अरूको काण्ड देख्नेले आफू मुछिएको काण्ड बिर्सिनु अनौठो भएको उनको भनाइ थियो ।