ओलीलाई रास्वपाको प्रश्नः राजनीति केका लागि गर्नुभयो?

काठमाडौं । शिक्षामन्त्री सुमना श्रेष्ठलाई नेकपा एमाले अध्यक्ष केपी शर्मा ओलीले अभिव्यक्तिमार्फत अपहेलना गरेको भन्दै राष्ट्रिय स्वतन्त्र पार्टी (रास्वपा)ले आपत्ति जनाएको छ ।

प्रतिनिधिसभाको आजको बैठकमा रास्वपा सांसद शिशिर खनालले एमाले अध्यक्ष ओलीलाई लामो समयदेखि नेपाली राजनीति केका लागि गरेको भन्दै प्रश्न समेत गरे । उनले संविधानले दिएको अधिकार प्रयोग गरेर देशको नेतृत्व गर्न नपाइने हो भन्दै प्रश्न गरेका छन् ।

बुधबार प्रतिनिधि सभाको बैठकमा बोल्दै सांसद खनालले महिलाको अधिकार, वर्गीय समानताका लागि नेपालमा राजनीति भएको होइन भन्दै प्रश्न गरे । उनले भने ‘लामो समयदेखि नेपाली राजनीतिमा महिलाको उन्मुक्तिको लागि, वर्गीय उन्मुक्तिका लागि राजनीति के का लागि गरेको ? सबै महिला र पुरुष बराबर हुन् भनेर होइन र ?’