भिभीआइपीलाई राप्रपाको आग्रहः नागढुंगादेखि गल्छी सम्म यात्रा गर्नुस्

काठमाडौं । राष्ट्रिय प्रजातन्त्र पार्टी (राप्रपा) की सांसद बिना लामाले भिभीआइपी र भिआइपीहरूलाई नागढुंगादेखि गल्छीसम्मको सडकमा यात्रा गर्न आग्रह गरेकी छन्। बुधबारको प्रतिनिधि सभा बैठकमा बोल्दै राप्रपा सचेतकसमेत रहेकी लामाले नागढुंगादेखि गल्छी सडकमा तामझाँमबिनै आफै गाडी चलाएर सीसा खोलेर यात्रा गर्न भिभीआइपीलाई अनुरोध गरेकी छन्।

नागढुंगा-गल्छी सडक स्तरउन्नतीका काम भइरहेकोले पानी परेका बेला हिलो र घाम चर्केका बेला धुलो हुँदा यात्रुले सास्ती खेप्दै आएका छन्। सांसद लामाले नागढुंगा-गल्छी सडकको विकल्पमा रहेको धार्के-भीमढुंगा(काठमाडौं सडक कालोपत्र गर्न पनि आग्रह गरेकी छन्।