- ४ जेष्ठ २०८३, सोमबार / May 18, 2026
रौतहट, १८ फागुन । रौतहटको राजपुर नगरपालिका–३ स्थित ग्रामीण सडक किनारमा शंकास्पद वस्तु फेला परेको छ । बेवारिसे अवस्थामा रहेको उक्त वस्तु स्थानीयले देखेपछि तत्काल प्रहरीलाई खबर गरेका थिए ।
सूचना प्राप्त हुनासाथ सुरक्षाकर्मी घटनास्थल पुगेका थिए । सुरक्षा संवेदनशीलतालाई ध्यानमा राख्दै गौर–पुरेनवा स्थित नारायण दल गणबाट नेपाली सेनाको बम डिस्पोजल टोली परिचालन गरिएको जनाइएको छ । नेपाली सेनाका अनुसार बम डिस्पोजल टोलीले शंकास्पद वस्तुको प्रकृति पहिचान गरी आवश्यक प्रक्रिया पूरा गरेर सुरक्षित रूपमा डिस्पोज गर्ने तयारी गरिरहेको छ ।
घटनास्थल वरपर सर्वसाधारणको आवतजावत रोकिएको छ भने सुरक्षा घेरा कडा पारिएको प्रमुख जिल्ला अधिकारी दिनेश सागर भुसालले जानकारी दिएका छन् ।
