- २७ भाद्र २०८३, शनिबार / Sep 12, 2026
लुम्बिनी। नेपाल धार्मिक सद्भावमा अडिक रहेको बौद्ध दर्शनका गुरु एंव लुम्बिनी विकास कोषका उपाध्यक्ष डा.ल्हारक्याल लामा (खेन्पो छिमे) ले उदाहरण प्रस्तुत गरेका छन् । रुपन्देहीको तिलोत्तमा श्रीमद भागवत ज्ञान महायज्ञ एंव श्रृङारिक महाआरती कार्यक्रमको उद्घाटन गरेर नेपालमा धार्मिक असहिष्णुता चाहनेलाई लामाले उदहारण प्रस्तुत गरेका हुन ।
महायज्ञको उद्घाटन गर्दै कोषका उपाध्यक्ष डा.लामाले नेपाल धार्मिक सद्भाव र एकतामा लागि विश्वमै उदाहरणीय रहेको चर्चा गरे । लामाले नेपालीहरुबीच जातजाती र विभिन्न धर्मका मानिसहरुबीच एकता रहेको बताउँदै ‘हाम्रो भूमि बुद्धभूमि हो, ३ करोड नेपाली मिलेर बसेको देश हो, यस्तो देश संसारमा कतै छैन, त्यसैले हामी सबै मिलेर बस्नुपर्छ’ उनले भने ।
उनले ३ करोड नेपाली जनता एक आपसमा मिलेर अगाडि बढेको बताउँदै सबै धर्मका र सम्प्रदायबीचको बलियो एकतानै नेपालीहरुको गौरव भएको तर्क गरे । पण्डित दीनबन्धु पोखरेल प्रमुख कथावाचक रहेको महायज्ञमा बौद्ध दर्शनका बारेमा देशविदेशमा प्रवचन दिने लामा प्रमुख अतिथि बनेर धार्मिक सद्भाव र नेपालीहरु एकताबद्ध रहेको सन्देश दिएका हुन् ।
महायज्ञमा विभिन्न हिन्दुधर्मका अगुवाहरुको समेत उपस्थिती रहेको थियो ।
