रुपन्देहीबाट १३ युवतीको उद्धार

काठमाडौं । रुपन्देहीबाट १३ युवतीको उद्धार गरिएको छ। भारतको बाटोबाट कुवेत जान खोजेका युवतीहरुलाई उनीहरुलाई उद्धार गरिएको हो ।

मानव बेचबिखनकाविरुद्धमा काम गर्ने शान्ति पुर्नस्थापना केन्द्र नामक संस्थासँगको सहकार्यमा उनीहरुको उद्धार गरिएको हो। उनीहरु सिन्धुपाल्चोक, नुवाकोट, मकवानपुर, सिन्धुली, झापा घर भएका युुवतीहरु छन्।

बेलहिया नाकामार्फत भारत हुँदै अवैध रुपमा कुवेत जान खोजेका १३ युवतीहरुको उद्धार गरिएको जिल्ला प्रहरी कार्यालय रुपन्देहीले जनाएको छ । सोधपुछ गरेपछि थप कुरा खल्ने उनको प्रहरीले जनाएको छ । युवतीहरुसँग श्रम स्वीकृति, बीमालगायतका कागजपत्र नभएको प्रहरीको प्रारम्भिक अनुसन्धानबाट खुलेको छ।

वैधानिक तवरबाट नेपालबाट सिधै कुवेत जान सकिने भए पनि उनीहरुले भारतको बाटो प्रयोग गर्न खोज्नु शंकास्पद देखिएको प्रहरीले जनाएको छ ।