देशका पहाडी भागमा मौसम आंशिक बदली

काठमाण्डौ । देशको पहाडी भेगमा मौसम आंशिक बदली भएको छ । कोशी, बाग्मती र गण्डकी प्रदेशका पहाडी भेगमा मौसम आंशिक बदली भएको हो ।

गण्डकी प्रदेशका उच्च पहाडी तथा हिमाली भागका एक–दूई ठाउँमा हल्का हिमपातको सम्भावना रहेको मौसम पूर्वानुमान महाशाखाले जनाएको छ । यसबाट पर्यटन तथा पर्वतारोहणमा आंशिक असर पर्नसक्ने भएकाले सतर्क रहन महाशाखाले अनुरोध गरेको छ ।

बाँकी भागमा मौसम सफा रहेको मौसम पूर्वानुमान महाशाखाले जनाएको छ । दिउँसो कोशी प्रदेशका पहाडी भागमा आंशिक बदली रही बाँकी भागमा मौसम सफा रहनेछ ।

त्यसैगरी, राति कोशी र गण्डकी प्रदेशका पहाडी भागमा आंशिक बदली रही बाँकी भागमा मौसम सफा रहनेछ ।