- ३० चैत्र २०८२, सोमबार / Apr 13, 2026
काठमाडौँ, ७ माघ । प्रदेशसभा सदस्य र पालिका प्रमुखले पदबाट राजीनामा दिएर प्रतिनिधिसभा सदस्य निर्वाचनमा सहभागी भएपछि रिक्त भएका स्थानमा छिट्टै निर्वाचन गरिने निर्वाचन आयोगले जनाएको छ।
मंगलबार आयोगको कार्यालयमा आयोजित पत्रकार सम्मेलनमा बोल्दै कार्यवाहक प्रमुख निर्वाचन आयुक्त रामप्रसाद भण्डारीले रिक्त रहेका स्थानमा सरकारको सल्लाहमा पदपूर्ति गरिने जानकारी दिनुभयो।
उहाँले प्रतिनिधिसभा सदस्य निर्वाचन सम्पन्न भएपछि लगत्तै रिक्त स्थानीय तह तथा प्रदेशसभा क्षेत्रमा निर्वाचन गरिने बताउनुभयो। आयोगले फागुन २१ गतेपछि रिक्त स्थानमा निर्वाचन गराउने तयारी गरेको जनाएको छ।
राजीनामा दिएर संघीय निर्वाचनमा सहभागी भएका कारण प्रदेशसभा र स्थानीय तहका केही पद रिक्त रहेकाले जनप्रतिनिधिविहीन अवस्थालाई लामो समय नराख्न निर्वाचन गरिन लागेको आयोगको भनाइ छ।
