सत्तापक्षले भूमिका निभाउन नसकेको राणाको जिकिर

काठमाडौँ । राष्ट्रिय प्रजातन्त्र पार्टीका सांसद डा धवलशम्शेर राणाले संसद्मा सत्तापक्षले आफ्नो भूमिका निभाउन नसकेको जिकिर गरेका छन् ।

सांसद राणाले जनताको भावना र विचारको प्रतिनिधित्व गर्ने सर्वोच्च निकायका रूपमा रहेको संसद्मा सत्तापक्षले प्रतिपक्षको कुरा सुन्ने बानीको विकास गरी जनताका समस्या समाधानमा केन्द्रित हुनुपर्ने बताए ।

राप्रपाका महामन्त्रीसमेत रहका राणाले प्रतिपक्षले उठाएका विषयप्रति सरकार जवाफदेही नभएको आरोप लगाए ।

विसं २०१८ मा जन्मिएका सांसद राणा बाँके क्षेत्र नं २ बाट प्रत्यक्ष निर्वाचित सांसद हुन् ।