- २८ असार २०८३, आईतवार / Jul 12, 2026
काठमाडौं । काठमाडौंको शंखमूलस्थित बागमती कोरिडोरस्थित सुकुम्बासी बस्तीका रुपक बान्तवाको मृत्युबारे प्रहरीले अनुसन्धान थालेको छ ।
उनी स्नुकर हाउसका सञ्चालक रहेको खुलेको छ ।लक्ष्मी बान्तवाको घरको भुइँतल्लामा रुपकले ‘द टायम पास स्नुकर’ एन्ड खाजा घर सञ्चालन गर्दै आएका थिए ।
गएराति ४० वर्षीया बान्तवा आफ्नै स्नुकर हाउसको सोफामा अचेत फेला परेका थिए । उनलाई उपचारका लागि सिभिल अस्पताल पुर्याउनासाथ डाक्टरले मृत घोषित गरेको हो ।
आफ्नै स्नुकर हाउसमा उनीमाथि आक्रमण भएको र उपचारका क्रममा मृत्यु भएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।
राति १ः५० मा प्रहरी वृत्त नयाँ बानेश्वरको टोली घटनास्थलमा पुगेको थियो । त्यति बेला उनी सोफामा उत्तानो परेको अवस्थामा अचेत भेटिएका थिए ।
