सदन चल्न नदिने माओवादीको अडान

काठमाडौं । राष्ट्रिय दलका प्रमुख सचेतक र सचेतकहरुलाई छलफलका लागि सभामुख देवराज घिमिरेले बोलाएका छन् । विहान ११ बजे सिंहदरबारमा कांग्रेस, एमाले, माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीका प्रमुख सचेतकहरुसँग सभामुख घिमिरेले छलफल गर्ने भएका हुन् ।

भदौ २६ गतेको बैठकमा एमाले सांसद योगेश भट्टराईले भदौ १२ गते प्रतिनिधिसभा बैठकमा प्रयोग गरेको ‘हिंसा’ शब्द हटाउन नेकपा माओवादी केन्द्रका प्रमुख सचेतक हितराज पाण्डेले गरेको नियमापत्तिको निर्णय गरेका थिए । निर्णयमा असहमति जनाउँदै संसद अवरोध भएको थियो ।माओवादीले आजको बैठक पनि अवरोध गर्ने निर्णय गरेपछि सभामुख छलफलमा जुटेका हुन ।