दुई संसदीय समितिमा सभापति चयन सर्वसम्मत

काठमाडौं । संघीय संसदका दुई संयुक्त समितिले नेतृत्व पाएका छन् ।

राज्यका निर्देशक सिद्धान्त, नीति तथा दायित्वको कार्यान्वयन अनुगमन तथा मूल्याङ्कन समितिको सभापतिमा एमाले सांसद ठाकुरप्रसाद गैरे र संसदीय सुनुवाइ समिति सभापतिमा नेपाली कांग्रेसकी सांसद ईश्वरीदेवी न्यौपाने सर्वसम्मत चयन भएका छन् ।

उनीहरुलाई बिहीबार सभामुख देवराज घिमिरेले पद तथा गोपनीयताको शपथ गराएका छन् ।

शपथपछि नवनिर्वाचित सभापतिलाई कार्यक्षेत्रभित्र रहेर उद्देश्य प्राप्तिमा लाग्नु पर्नै बताइएको छ ।