- २९ श्रावण २०८३, शुक्रबार / Aug 14, 2026
दाङ । दाङमा प्रहरीको लाठी चार्जबाट ६ जना विद्यार्थी नेता घाइते भएका छन् । नेपाल संस्कृत विश्वविद्यालयको केन्द्रीय आर्युवेद विद्यापीठ बेलझुण्डीमा प्रहरीको लाठीबाट ६ जना घाइते भएका हुन ।
गएको फागुन २९ गतेदेखि क्याम्पस प्रमुखको कार्यकक्षमा स्वतन्त्र विद्यार्थी युनियनको नाममा विभिन्न माग राखेर तालाबन्दी हुँदै आएको छ । वार्ताका नाममा विद्यार्थी नेताहरूले दुई दिनदेखि क्याम्पसका पदाधिकारीहरूलाई बन्धक बनाएको खबरपछि प्रहरी छुटाउन गएको थियो । प्रहरीमाथि आक्रमण भएपछि झडप हुँदा केही विद्यार्थी घाइते भएको प्रहले जनाएको छ ।
क्याम्पस प्रमुख प्रा.डा. रामचन्द्र अधिकारी र क्याम्पसका निमित्त प्रमुख डा.देवराज क्षेत्रीलाई उद्धार गरी तुलसीपुर ल्याएर राखेको प्रहरीले जनाएको छ । ढोका फोडेर क्याम्पसका पदाधिकारीहरूको उद्धार गरेको प्रहरीको भनाई छ ।
