- १५ जेष्ठ २०८३, शुक्रबार / May 29, 2026
काठमाडौँ, १६ बैशाख । सरकारले पुनः सार्वजनिक यातायातको भाडा वृद्धि गरेको छ। यातायात व्यवस्था विभाग ले अन्तरप्रदेशमा सञ्चालन हुने सार्वजनिक यातायातमा भाडा बढाएको जनाएको छ।
बढेको भाडा बुधबारदेखि नै लागू भएको विभागले जनाएको छ। अन्तरप्रदेश यात्रुवाहक सवारी, पहाडी बाटोमा सञ्चालन हुने मालवाहक तथा तराई क्षेत्रमा सञ्चालन हुने मालवाहक सवारी साधनमा समान ५–५ प्रतिशतका दरले भाडा बढाइएको छ।
यसअघि गत चैत २५ गते पनि भाडा वृद्धि गरिएको थियो। भाडा बढाउन भौतिक पूर्वाधार तथा यातायात मन्त्रालय ले वैशाख १२ गते सहमति दिएको थियो।
सोहीअनुसार सार्वजनिक सवारीसाधनको भाडा बढाइएको विभागले जनाएको छ। विभागका अनुसार विद्युतीय सवारीसाधनले भने भाडा बढाउन नपाउने व्यवस्था गरिएको छ।
