- २४ बैशाख २०८३, बिहीबार / May 7, 2026
काठमाण्डौ । लमजुङमा प्याराग्लाइडिङमा उड्ने र उडान गर्नेबारे सीप सिकाइने विद्यालय स्थापना भएको छ ।
लमजुङको दोर्दी गाउँपालिका–८ थोँतीमा हाई अल्टिच्युडको प्याराग्लाइडिङ विद्यालय सञ्चालनमा आएको बाबु एडभेञ्चर प्याराग्लाइडिङ कम्पनीले जनाएको हो ।
प्याराग्लाइडिङ विद्यालय सञ्चालन गर्न आवश्यक पूर्वाधारका लागि दोर्दी गाउँपालिकाले समेत सहयोग गरेको कम्पनीले जनाएको छ । तीन हजार नौ सय मिटर उचाइमा रहेको विद्यालयमा उच्च हिमाली भेगमा कसरी प्यारागलाइडिङ गर्न विभिन्न सिपहरु सिकाइने छ ।
पालिकामा प्याराग्लाइडिङ विद्यालय स्थानीयका लागि समेत नयाँ अवसर भएको बाबु एडभेञ्चर प्याराग्लाइडिङ कम्पनीले जनाएको छ । नौ वर्षदेखि स्याङ्जाको भीरकोट नगरपालिका–५ स्वरेक मैदानमा प्याराग्ग्लाइडिङ विद्यालय उक्त कम्पनीले सञ्चालन गर्दै आएको छ ।
