- ३१ आश्विन २०८३, शनिबार / Oct 17, 2026
काठमाडौं । रूसी सेनामा भर्ना भएका नेपालीलाई स्वदेश फिर्ता गरिदिन परराष्ट्रमन्त्री एनपी साउदले आग्रह गरेका छन् । रूसी सेनामा नेपाली नागरिकलाई भर्ना नलिन परराष्ट्रमन्त्री साउदले अनुरोध गरेका हुन ।
रुसी उपविदेशमन्त्री सर्गेई वर्सिनिनसँग युगाण्डाको राजधानी कम्पालामा भइरहेको नामको शिखर सम्मेलनका क्रममा भेटघाट गरी परराष्ट्रमन्त्री साउदले नेपाली नागरिकलाई रुसी सेनामा भर्ना नलिन आग्रह गरेका हुन ।
युक्रेनसँग भएको युद्धका क्रममा मृत्यु भएका नेपालीको शव स्वदेश फिर्ता गरिदिन र उनीहरुको परिवारलाई क्षतिपूर्ति उपलब्ध गराइदिन पनि मन्त्री साउँदले आग्रह गरेका छन् । जवाफमा रुसी उपविदेशमन्त्रीले परराष्ट्रमन्त्री साउदले उठाएका विषयहरू सम्बोधनका लागि पहल गर्ने आश्वासन दिएका छन् ।
भेटका क्रममा परराष्ट्रमन्त्री साउदले केही मुलुकसँग परम्परागत व्यवस्थाबाहेक विदेशी सेनामा नागरिक पठाउने नेपालको नीति नरहेको पनि बताएका छन् ।
