- २६ असार २०८३, शुक्रबार / Jul 10, 2026
काठमाडौं, ३० पुस । सिन्धुलीको खुर्कोटबाट ५७ हजार अमेरिकी डलरसहित एकजना युवक पक्राउ परेका छन्।
काठमाडौंबाट झापा जाँदै गरेको बसमा गएराति चेकजाँचका क्रममा झापाका युवराज नेवारको झोलाबाट उक्त डलर फेला परेको प्रहरी स्रोतले जनाएको छ।
बरामद गरिएको ५७ हजार अमेरिकी डलर नेपाली रुपैयाँमा करिब ८२ लाखभन्दा बढी हुन आउँछ। ठूलो परिमाणमा विदेशी मुद्रा बोकेर यात्रा गर्नु शंकास्पद मानिँदै प्रहरीले नियन्त्रणमा लिएको हो।
उक्त रकम किन र के प्रयोजनका लागि झापा लगिँदै थियो भन्ने विषयमा सिन्धुली प्रहरीले थप अनुसन्धान गरिरहेको जनाएको छ।
