प्रहरी परिचालन गरेर निषेधित क्षेत्रमा हिँड्न रोक

काठमाण्डौ । सरकारले काठमाण्डौका मुख्य केन्द्रलाई निषेधित क्षेत्रमा हिड्न समेत रोक लगाएको छ । चार महिनादेखि राधानीका शहरहरुमा निषेधित क्षेत्र तोकेको सरकारले बानेश्वरसहित फुटपाथमा हिँड्नसमेत रोक लगाएको हो ।

मुख्य ठाउँमा पैदल हिँड्न नदिने गरी डोरी, जाली र कपडाको छेकबार लगाइएको पैदल यात्रुहरुले बताएका छन् । पर्खालमा निषेधित क्षेत्र र प्रवेश निषेध लेखिएका फ्लेक्स, ब्यानर र पोस्टर टाँसिएका छन्।

प्रहरी परिचालन गरेर हिँड्न रोक लगाइएको छ। फुटपाथबाट हिँड्न नदिएपछि पैदलयात्रीहरू सडकबाटै हिँड्नुपर्ने भएको छ । सङ्घीय संसद् भवन बाहिरको क्षेत्र, प्रधानमन्त्री निवास रहेको बालुवाटार क्षेत्रमा नागरिकलाई हिँड्न नै सास्ती हुने गरी रोक लगाएपछि आलोचना हुँदै आएको छ ।

सुरक्षा व्यवस्थामा कमजोरी हुँदा सोमवार लघुवित्त र मिटरब्याजपीडित समूह निषेधित क्षेत्र तोडेर संसद् परिसरभित्रै छिरेका थिए ।
पैदल यात्रीहरु जोखिम मोलेरै कालोपत्रे सडकमा हिँड्न बाध्य छन् ।