दुर्गा मन्दिर परिसरमा पुरुषको शव भेटियो

धनुषा । जनकपुरको दुर्गा मन्दिर परिसरमा एक पुरुषको शव फेला परेको छ । जनकपुरधाम उपमहानगरपालिका ४ मुरलीचोकस्थित दुर्गामन्दिर परिसरमा अन्दाजी ६० वर्षीय पुरुषको शव फेला परेको हो ।

उनको पहिचान भइसकेको छैन । धनुषा प्रहरी प्रवक्ता डिएसपी वरुणबहादुर सिंहका अनुसार आज बिहान साढे ६ बजेतिर प्रहरीले शव रहेको थियो । घटनास्थलको प्रकृति हेर्दा कसैसँग बादविवाद पश्चात ईंटा प्रहार गरी हत्या गरेको हुन सक्छ ।

घटनास्थलमा रक्सीका बोतल पनि भेतिएको छ । घटना रातिको हुन सक्ने अनुमान प्रहरीले गरेको छ । घटनाको प्रहरीले अनुसन्धान गरिरहेको छ ।