- २६ असार २०८३, शुक्रबार / Jul 10, 2026
दैलेख, २८ चैत्र । आठबिस नगरपालिकाको आयोजनामा मिति २०८२ साल चैत्र २९ गते तिलेपाटा स्वास्थ्य चौकीमा बृहत् क्षयरोग (टीबी) खोजपड्ताल शिविर सञ्चालन हुने भएको छ।
नगरपालिकाले समुदायमा लुकेर रहेका सम्भावित टीबी बिरामीको पहिचान तथा समयमै उपचार सुनिश्चित गर्ने उद्देश्यले उक्त शिविर सञ्चालन गर्न लागेको जनाएको छ।
शिविरमा विशेषगरी आठबिस–९, आठबिस–७ र आठबिस–३ लगायत आसपासका वडाका सर्वसाधारणलाई उपस्थित भई स्वास्थ्य परीक्षण गराउन अनुरोध गरिएको छ।
सम्बन्धित निकायले सबै स्थानीय बासिन्दाहरूलाई शिविरमा सहभागी भई निःशुल्क स्वास्थ्य परीक्षणको अवसर सदुपयोग गर्न आग्रह गरेको छ। टीबी जस्तो संक्रामक रोग समयमै पहिचान र उपचार गरेमा पूर्ण रूपमा निको हुन सक्ने भएकाले यस्ता शिविरको महत्त्व रहेको जनाइएको छ।
