घरेलु क्रिकेटको सबैभन्दा ठूलो प्रतियोगिता एनपीएल शनिबार उद्घाटन हुँदै

काठमाण्डौ । नेपाल प्रिमियर लिग (एनपीएल) शनिबारबाट शुरू हुँदैछ । नेपाल क्रिकेट सङ्घ (क्यान) ले आयोजना गरेको पहिलो संस्करणको एनपीएल भोलिबाट शुरु हुने भएको हो ।

काठमाण्डौको कीर्तिपुरमा रहेको त्रिवि क्रिकेट मैदानमा एनपीएलको भव्य शुभारम्भ हुने क्यानले जनाएको छ । उद्घाटन खेल विराटनर किङ्स र जनकपुर बोल्टबीच हुनेछ ।

घरेलु क्रिकेटको सबैभन्दा ठूलो प्रतियोगिता एनपीएलमा आठ फ्रेञ्चाइज टिम विराटनगर किङ्स, जनकपुर बोल्ट, चितवन राइनोज, काठमाण्डौं गुर्खाज, पोखरा एभेन्जर्स, कर्णाली याक्स, लुम्बिनी लायन्स र सुदूरपश्चिम रोयल्सले उपाधिका लागि प्रतिस्पर्धा गर्नेछन् ।

नेपाली क्रिकेटका लागि एनपीएल आयोजना हुनु ठूलो उपलब्धि भएको र देशविदेशका नेपाली र विदेशी क्रिकेटप्रेमीहरूले समेत यो प्रतियोगितालाई चासोपूर्वक लिएको क्यानले जनाएको छ ।