- ३२ असार २०८३, बिहीबार / Jul 16, 2026
काठमाडौं । नेपाल पर्वतारोहण संघको अधिकार नवीकरण भएको छ । सरकारले २७ वटा हिमालको व्यवस्थापन गरिरहेको संघको अधिकार नवीकरण गरेको हो । ५ वर्षको लागि हुने यो नवीकरणको मन्त्रिपरिषद् बैठकले नेपाल पर्वतारोहण संघलाई नै दिने गरी अधिकार नवीकरण गरेको हो ।
संघले अग्ला हिमालहरु चढ्नु अघि तालिमका रुपमा प्रयोग गर्न सकिने सानो उचाइका हिमालहरुलाई व्यवस्थापन गर्दै आइरहेको छ । संघले सरकारसँग थप हिमाल समेत व्यवस्थापनमा दिन माग गर्दै आएको छ।
यसअघि २०७५ सालमा सरकारले २७ वटा हिमालको व्यवस्थापनको अधिकार संघलाई दिएको थियो । चुली इस्ट (६५८४ मि), हिउँचुली (६४३४ मि), मेरापिक (६४७० (मि), लोबुजे (६०९० मि) लगायतका हिमाल प्रवर्द्धनसँगै रोयल्टी संकलनको काम समेत अहिले संघले गर्दै आएको छ ।
