- ११ जेष्ठ २०८३, सोमबार / May 25, 2026
काठमाडौं । नेताले निर्वाचन जितेपछि काठमाडौं होइन आफ्नो जिल्ला छान्नु पर्ने नेपाल मजदुर किसान पार्टीका सचिव एंवम् प्रतिनिधिसभा सदस्य प्रेम सुवालले बताउनुभएको छ । सांसद प्रेम सुवालले सांसदले आफ्नो जिल्ला विकास गरे मात्र देशको विकास हुने बताउँनु भएको हो ।
सांसद सुवालले भन्नुभयो “निर्वाचनकै बेला जितेपछि काठमाडौं बस्छौँ, यहाँको विकासको आशा नगर्नु जनता भन्न सक्नुपर्ने”बताउनुभयो । सांसद सुवालले अनुगमन तथा मूल्यांकन सम्बन्धमा व्यवस्था गर्न बनेको विधेयकको दफा २ को खण्ड (च) को उपखण्ड ५ मा सार्वजनिक संस्थालाई नेपाल सरकारको ऋण वा अनुदानमा सञ्चालित संस्था भनेर व्याख्या गरिएको भन्दै जनताको शेयर लगानी भएको निजी कम्पनी र संस्थान पनि सार्वजनिक निकायमा राख्नुपर्ने माग गर्नुभयो ।
उहाँले जनतासँग इमान्दारिताकासाथ नेताले भन्नु पर्ने बताउँदै अहिलेसम्म नेताहरुले गर्दै आएको काम जिल्ला भन्दा नि काठमाडौं केन्द्रीत भएर जिल्लाको विकास नभएको दाबी समेत गर्नुभयो ।
सांसद सुवालले बिहीबार सिंहदरबारमा बसेको राज्य व्यवस्था तथा सुशासन समितिको बैठकमा अनुगमन तथा मूल्यांकन सम्बन्धमा व्यवस्था गर्न बनेको विधेयकको सम्बन्धमा छलफलमा उक्त कुरा बताउनुभएको हो ।
